Gerratik itzulera
-
Frantziatik bueltan mojek atetik "bota" zituzten
Jesus Mari Agirre-Amalloa Ozamiz (1931) Gernika-Lumo
Bonbardaketa ostean hiru urtez Frantzian egon ziren. Euskal Herrira bueltatu ostean, mojen ikastetxe batean sartu zituzten; hara joan zitzaien aita bila. Aita heldu orduko atetik "bota" egin zituztela dio.
-
Arana kondearen garajean jarri zuten tailerra
Jesus Mari Agirre-Amalloa Ozamiz (1931) Gernika-Lumo
Bonbardaketa ostean Frantzian hiru urtez egon ostean, amaren jaiotetxera joan ziren, Ibarrangeluko Merru auzora. Arana kondearen semeak bere aitaren lagunak zirenez, beraien garajean hasi zen aita beharrean, bertan jarri baitzuen errementari-tailerra. Jesus Mari ere bertan hasi zen lanean.
-
Torrezuri jauregian bizi izan ziren
Jesus Mari Agirre-Amalloa Ozamiz (1931) Gernika-Lumo
Teodoro Arana Torrezuriko ugazaba zen (gaur egun zaharren egoitza dena). Beraiek Sevillan bizi zirenez eta aitaren lagunak zirenez, bertan bizitzeko baimena eman zien bonbardaketan etxea galdu baitzuten. 7-8 urtez egon ziren bertan.
-
Saraspeko errementari tailerra
Jesus Mari Agirre-Amalloa Ozamiz (1931) Gernika-Lumo
Aita errementaria zen eta beraien etxe azpian zabaldu zuen tailerra, Saraspe plazan (gaur egun Dia supermerkatua dagoen tokian). Errementari eta mekanika tailerra jarri zuen bere aitak beste bi bazkidegaz batera. Batez ere errementari bezala aritzen ziren oraindik ez baitzegoen auto askorik. Gurpilak, torlojuak... errazionamenduan ematen zituzten. Horrela parte hartu zuten herriaren berreraikitzean.
-
Bonbardaketa ostean Arratzutik Errenteria auzora
Pilar Txopitea Uribarri (1924) Gernika-Lumo
Gainontzekoek taloa jaten zuten bitartean, errazionamenduko ogia etxeko gizonentzat izaten zen, lan egin behar izaten zutelako. Errenteria auzoan antzina bizi izan ziren etxe bat ez zuten apurtu, eta bertara itzuli ziren bonbardaketa ostean.
-
"Gernike geure herri politte ikusten" joan zirenekoa
Hirune Etxebarria Bastegieta (1923) Gernika-Lumo
Gernika erre eta hiru urtetara bueltatu zen herrira, denek deseatzen zuten hori. Mairuek dena lorrindu zuten eta ezin izan zuten etxeetatik ezer jaso. Bilbo hartu eta hurrengo gunean joan ziren lehen aldiz Gernikara, "Gernike geure herri politte ikusten". Foruan leku desberdinetan bizi ostean bueltatu ziren behin betiko; Gernikara hurreratu ahala, pozez zoratzen zirela dio.
-
Abarketa-lantegira bizitzen
Hirune Etxebarria Bastegieta (1923) Gernika-Lumo
Bere aitak abarketa-lantegian egiten zuen la, eta lana zuenez ez zuten arazorik izan aurrera egiteko. Lantegian bertan egon ziren bizitzen estatuko etxeetara joan arte. Estatuko etxeak aurrez izendatuta egoten ziren askorentzat: Guardia Zibilak, gaixoak... Eskaera egiteko ere beldurra zuten.
-
Soldadu batek eman zion koltxoia
Hirune Etxebarria Bastegieta (1923) Gernika-Lumo
Bonbardaketa ostean, Foruan egon ziren. Gernikara bueltatu zirenean, Foruko soldadu batek emandako koltxonetan egiten zuen lo, "Catre" batean. Hasiera batean amak ez zuen gura hura hartzerik zikin zegoelako-edo, baia beste ezer baino hobea ei zen. Errekan sartu zuten garbitzeko. "Catre" hori gero beste familia bati eman zion.
-
Aitaren atxiloketa
Mertxe Hidalgo Rekondo (1928) Gernika-Lumo
Gerran Frantzian eta Valentzian egon ostean, Euskal Herrira bueltatu ziren, Bilbora hain zuzen ere. Aita atxilotu eta amak bost umegaz egon behar izan zuen aurrera. Aita bisitatzen joaten zirenean jatekoa eramaten zien. Presoak leihora irtenez gero, zentinelak (zaintzaile militarrak) tiroka hasten ziren.
-
Txakurraren agur beroa
Mertxe Hidalgo Rekondo (1928) Gernika-Lumo
Gerran errefuxiatuta egon ostean, etxera bueltatu eta Lobik egin zion agurrik beroena, beraien txakurrak. Baserritik geltokira joan zen beraiengana, arrapalan, trotean, joan zen beregana.
-
Zizurkilen ezkondu eta Bilbora ezkon-bidaian
Luisa Ugartemendia Labaka (1909) Getaria
Senarra. Zizurkilen ezkondu ziren eta Amasan egin zuten banketea. Ezkon-bidaian Bilbora joan ziren. Gerraostea zenez, Bilbo txikituta omen zegoen. Euren lagun batzuk eurekin batera ezkondu ziren.
-
Gerra amaitutakoan, Euskal Herrira itzuli eta senideak sakabanatu
Maria Iruretagoiena Olano (1928) Getaria
Bartzelonan zeudela bukatu zen gerra, eta zeukaten dirua baliorik gabe geratu zen; ezer gabe geratu ziren. Donostiara trenez itzuli ziren eta senideak sakabanatu egin zituzten. Gerora, Bartzelonako familiarekin harremana mantendu zuten, baina azkenean galdu egin zen.
-
Euskal Herrira itzulitakoan, familia sakabanatu
Maria Iruretagoiena Olano (1928) Getaria
1939an, gerra bukatu zenean, Bartzelonatik etxera etorri ziren trenez. Zarautzera iritsi eta familiakoak joan ziren beren bila. Pixkanaka, senideak sakabanatzen joan ziren: Maria Zarautzera joan zen eta handik Getariako izeba baten baserrira eraman zuten 1940an.
-
Poza, baina egoera zaila
Begoña Zaldibar Oianguren (1926) Eibar
Etxera itzultzerakoan, alde batetik poz handia sentitu zuen, baina bestaldetik ez zuten ezer. Aita bihar barik zegoen eta egoera oso zaila zen. Karitatetik bizitzen egon ziren.
-
Eibarrera lanera
Begoña Zaldibar Oianguren (1926) Eibar
Aita, abertzalea izatearren, lan gabe geratu zen. Eibarren lanean zegoen osaba baten bitartez aitak eta anaiak lana aurkitu zuten. Handik gutxira ama, eta denborarekin, 48an, Begoña ere Eibarrera joan zen bizitzera.
-
Amaren ondoan berriro
Juana Unzueta García (1924) Eibar
Bizitza oso desberdina zen Eibarren. 1956. urtean itzuli ziren, Crimea ontzian Valentziako portura lehenengo. Ama zuten Valentzian zain, anaiak ere ezagutu zuen nahiz eta oso txiki joan zen Errusiara.
-
Aitaren azken musua
José Antonio González Acha (1931) Eibar
Eibar guztiz suntsituta aurkitu zuen. Gerra aurreko oroitzapenik handiena aitak, tuberkulosiarekin ospitalean zegoela, eman zion musua da. Itzuli zenean aita hilda zegoen. Ama, amona eta anaia txikia zeuden Eibarren zain.
-
Amandrearen etxean hamalau lagun
Roberto Altuna Iriondo (1930) Eibar
Frantziatik itzultzean Eibar guztiz suntsituta zegoela goratzen du. Amandrearen etxera hamalau lagun joan behar izan ziren bizitzera.
-
Gerla bukatu zela ospatzeko besta
Extefana Irastorza (1925) Hendaia
Besta egin zuten gerla amaitzean, meza ere ospatu zuten. Lehen aldiz utzi zien aitak gau guztia bestarako. Hendaiako plazan izan zen besta goizeko laurak arte.
-
Gerrako umezurtzentzat ikastetxea
Eulalia Aranburu Urkizu (1932) Hernani
Bederatzi urterekin Biteri eskolara joaten hasi zen. Gerrako umezurtza izatearren, ikastetxe berezi bat bazuten eta hara joateko deia jaso zuen.