Politika eta Franco
-
'Cara al Sol' kantatu behar
Angeles Lasa Garmendia (1923) Rosario Lasa Garmendia (1938) Ordizia
Eskola nazionalean, sartu orduko 'Cara al Sol' kantatu behar izaten zuten: gero, ateratzerakoan, berriz kantatu behar izaten zuten.
-
Klandestinitatean paperak mugitzen
Elu Gaztañaga Martinez (1916) Ordizia
Paperak hona eta hara eramaten egin zuen lan klandestinitatean ETAren alde. Mendira asko joaten ziren zeregin horretarako. Arriskuan sarri ibiltzen ziren.
-
Frankismo garaia
Pedro Armendariz Imaz (1925) Ordizia
Frankismo garaiko kontuak. Frankistek agintzen zuten herrian. Kartzelan egondako errepublikarrek ez zuten boto eskubiderik. Nazionalistek industrian boterea zutela aipatzen du Pedrok. Gerra aurreko egoera ekonomikoa zein zen aipatzen du.
-
Santo Tomas Lizeoan errentan
Karmele Esnal Zulaika (1932) Orio
Santo Tomas Lizeoan gela bat ordaintzen zuen Karmelek errentan, baina Elvira Zipitriaren metodologia erabiltzen jarraitu zuen.
-
Herriz herri ikastolak iragartzen
Karmele Esnal Zulaika (1932) Orio
70. hamarkadan herriz herri ibili zen Karmele ikastola iragartzen, ikasleen gaitasunak erakusteko, ordurako dena legalizatzen hasiak baitziren.
-
Geroz eta liburu gehiago
Karmele Esnal Zulaika (1932) Orio
Denborarekin geroz eta liburu gehiago erabiltzen hasi ziren hezkuntzan, bai euskaraz eta bai gaztelaniaz.
-
Euskara batuaren auzia
Karmele Esnal Zulaika (1932) Orio
Euskara batua oso gai mingarria izan zen EAJko kideen artean, batzuk Euskaltzaindiaren arauen alde baitzeuden, eta beste batzuk kontra.
-
Euskara batuko "h"
Karmele Esnal Zulaika (1932) Orio
"H" hizkiaren inguruako auzia handia izan zen. Elvira Zipitria ez zegoen erabiltzearen alde, ezta ikasle zenbaiten gurasoak ere.
-
"h" hizki polemikoa euskaltzaleen artean
Karmele Esnal Zulaika (1932) Orio
H hizkia erabiltzeagatik EAJ barruan kritikatua izan zen Karmele, izan ere, "h" erabiltzen zutenak ETAkoak zirelako zurrumurua zabaldu zen.
-
3R motako antzerkia
Karmele Esnal Zulaika (1932) Orio
Elizako egitarauan inoiz ez zen antzerkirik agertzen, baina behin Jarrairen antzerki obra bat 3R gisa jarri zuten. Euskaraz bakarrik egiten zituzten antzerki obrak, gipuzkeraz.
-
Ez Dok Amairurako sarrerak saltzen
Karmele Esnal Zulaika (1932) Orio
Ikastolan Ez Dok Amairuk antolaturiko ekitaldietarako sarrerak saltzen zituen Karmelek. Talde honen hasieran kotrako jarrera zabala zen, modernoegiak zirelakoan.
-
Euskaldunak elkartzeko ibilaldiak
Karmele Esnal Zulaika (1932) Orio
Klandestinitatean lanean aritzen zirenak, eta euskaltzaleak, orokorrean, bildu egiten ziren irteerak egiteko, txoko ezberdinetako euskaldunak elkartzeko.
-
Bertsolaritza frankismoan I: debekuak
Patxi Etxeberria Zubiria (1930) Orio
Patxi bertsotan hasi zenean, garai txarra zen. Bertsotan egin behar zuten egunean, goizez albisteak entzuten zituzten, atxiloketak eta kontuak izan ziren jakiteko. Batzuetan telefonoz deitzera ez ziren ausartzen, entzungo zituztelakoan. Bertsolariak asko kontrolatzen zituzten.
-
Lazkao Txiki eta guardia zibila
Patxi Etxeberria Zubiria (1930) Orio
Lazkao Txikiri Getariako bidean guardia zibilaren kontrolean gertatutakoa kontatzen du.
-
Bertsolaritza frankismoan II: atxiloketak
Patxi Etxeberria Zubiria (1930) Orio
Azpillaga eta Lopategi zigortu zituzten, eta atxilotu ere bai, politika kontuak kantatzearren. Joxe Agirre eta Lizaso espetxera eraman zituzten.
-
Bertsolaritza frankismoan III: salaketak
Patxi Etxeberria Zubiria (1930) Orio
Zentsuraren kontua lasaitzen berandu samar hasi zela dio. Mattinekin bertsotan egin zuen batean, bazkalostean Francoren kontra hasi zirenean, gizon batek kargu hartu zien; ikaratu egin zen Patxi. Manuel Lasartek ez zuen politikaz hitz egin nahi izaten eta gomendioak ematen zizkien.
-
Bertsolaritza frankismoan IV: guardia zibila
Patxi Etxeberria Zubiria (1930) Orio
Bertso saioak hastear zirela, batzuetan bertan behera uzten zituen guardia zibilak. Arraten (Eibar) behin, bertso saio batean 25 guardia zibil egon ziren ikuskizuna kontrolatzen eta gero bazkarian, guardiaren buruetako batek beraiekin bazkaldu zuen.
-
Bertsolaritza frankismoan V: kontrola eta espetxea
Patxi Etxeberria Zubiria (1930) Orio
1949an Orioko Kukuarri mendian, guardia zibilarekin gertatutakoa kontatzen du: gurutze berriaren inaugurazioan bertsotan egin behar zuelako joan zen eta 49 guardia uniformatu agertu ziren; ez zen gozoa izaten hala kantatzea. Oso gogorra zela dio. Txomin Garmendia kartzelan egon zen bertso batzuk argitaratzeagatik eta Arantzazuko fraideen laguntza izan zuen.
-
Bertso politizatuak ez frankismoan
Patxi Etxeberria Zubiria (1930) Orio
Jendea amorratzen egoten zen gertaera politikoei buruzko bertsoak entzuteko, baina beti egoten zen tartean salatu zezakeenen bat.
-
Tedeumak
Kontxa Intxausti Peña (1919) Ormaiztegi
Tedeumak: Francoren tropek zerbait hartzen zutenean egoten zen ospakizuna. Familiakoren batek joan egin behar izaten zuen nahitaez.